త‌మిళ నటుడు శివ కార్తికేయన్, స్టార్ హీరోయిన్ సాయిప‌ల్ల‌వి జంట‌గా నటించిన మూవీ ‘అమరన్’. రాజ్ కుమార్ పెరియసామి దర్శకతంలో వ‌చ్చిన ఈ మూవీ ఇండియన్ ఆర్మీ మేజర్ ముకుంద్ వరదరాజన్ బయోపిక్ గా తెరక్కెక్కింది. ఈ సినిమాను రాజ్ కమల్ బ్యానర్ పై కమల్ హాసన్ , సోనీ పిక్చ‌ర్స్ సంయుక్తంగా నిర్మించారు. ఈ మూవీ దీపావళి కానుకగా తెలుగు, తమిళం, మళయాళంలో విడుద‌లై ఘ‌న విజ‌యం సాధించింది. ఈ మూవీతో శివ‌కార్తికేయ‌న్ కెరీర్‌లోనే బిగ్గెస్ట్ హిట్ అందుకున్నాడు. ఇప్ప‌టికే భారీ లాభాలు సాధించిన ఈ సినిమా థియేట‌ర్ల‌లో స‌క్సెస్ ఫుల్‌గా ర‌న్ అవుతోంది. డిసెంబ‌ర్ 5న ఈ మూవీ ఓటీటీలోకి ఎంట్రీ ఇచ్చింది. ఈ సినిమా డిజిటల్ రైట్స్ ను ప్ర‌ముఖ ఓటీటీ ప్లాట్‌ఫాం నెట్ ఫ్లిక్స్ భారీ ధ‌ర‌కు కొనుగోలు చేసింది. అమరన్ నేటి నుంచి తెలుగు, తమిళం, మలయాళం, కన్నడతో పాటు హిందీ భాషల్లో నెట్‌ఫ్లిక్స్ లో స్ట్రీమింగ్ కానుంది.